الرجل لديه القدره على الكذب والخداع اكثر من المرأه

ديما احنا مظلوين كده
ربنا معانا

حلوه اوي يا بوسي تسلم ايديكي
وعلى فكره يا ادمن مش انتو المظلومين و لا احنا المظلومين هي تتحسب بالذكاء والاذكى هو اللي بيظلم دي وجهة نظري

ياجماعه الموضوع مفيهوش لا ظالم ولا مظلوم
ربنا سبحانه وتعالى خلق كل الزكر والانثى كل منهم له صفات معينه مناسبه للعمل الى المفروض يقوم بيه
يعنى الراجل مثلا قوى البنيه لانه المسئول عن العمل والبحث عن الرزق اتأمين المعيشه للاسره
والمرأه لها الصفات الى تخليها تقوم برعايه البيت والاولاد
بس للاسف احنا الى بنغير الطبيعه الى رنا خلقنا عليها

يعني انت يا ادمن بتفضل ان المراة تعد في البيت وتربي العيال
والراجل هو اللي يشتغل وتبقى دي حياتها انها تربي اجيال اخرى

عايزة اعرف تبقى عملت ايه لنفسها


محدش يحط قيود على حد واللي عايز يعمل حاجة يعملها في حدود ديننا واخلاقنا
الظلم بيقع في حالة فرض قيود واوامر على الاخر ايا كان

مقلتش يا ادمن انت مع عمل المراة ولا ضده

ممكن اقول رايي


انا شايفه ان المراه مالهاش الا بيتها واولادها وده يعتبر شغلها
ولكن لو في ظروف صعبه مثلا في المعيشه يبقي لازم تشتغل عشان تساعد زوجها

لكن انا شايفه ان من الرجوله ان الراجل لازم يتكفل بالبيت والزوجه
وحتي لو الزوجه بتشتغل فلمفروض انه ميعتمدش علي مرتبها

يعني يالولي البنت لما تبقى مهندسة ولا دكتورة وتضيع عمرها عشان تبقى حاجة كويسة
في الاخر تعد في البيت

في بنات كتير الشغل بالنسبالهم مش فلوس خالص
وانما اثبات للذات وتطوير للمجتمع

الكلام ده لما تكون دكتوره مثلا اه لانها هتقدم للناس حاجه كويسه

بس في وظايف تانيه ملهاش لازمه
وبعدين انا برده مش ضد عمل المراه خالص لكن لما الشغل هياخد كل وقتها وبالتالي هتهمل مسئوليتها تجاه بيتها يبقي بلاش منه
بس في ناس كتير بيشتغلوا وبيربوا ولادهم احسن تربيه
انا اقصد ان المفروض ان الزوج ميفرضش حاجه زي دي علي الزوجه يعني ميقلهاش اشتغلي او متشتغليش

المفروض انه يكون مكفيها لانها ملزومه منه
حتي لوكانت بتشتغل

بس علي فكره ياجماعه الموضوع بتاع بوسي كان بيتكلم عن حاجه تانيه خالص

كلامك رائع يالولي هو دة الكلام

ومعلش يابوسي اننا قلبنا على موضوع تاني
بس الكلام بيجيب كلام