تعمل اية لو قالتلك بحبك؟؟؟؟

الموضوع ده لقيته في احد المنتديات وحبيت نتناقش فيه

انا بتفق مع بوسى فى رأيها
بس اكيد البنات ليها طرق تانيه تقدر تعرف بيها الشخص ده مشاعرها ناحيته غير التصريح المباشر
بس بصراحه انا لوحصل معايا الموقف ده تصرفى هايرجع للبنت نفسها
يعنى طبعا حسب اخلاقها مش حسب هل هيا صديقه ولا انا معجب بيها
وبعدين مننساش حاجه مهمه جدا
السيده خديجه هيا الى عرضت الزواج على الرسول صلى الله ععليه وسلم "طبعا مش بطريقه مباشره" ده كان عن طريق الجاريه بتاعتها

طبعا هي مش المفروض انها تبداء خالص بس لو حصل ده معايا هصارحها بحقيقة مشاعري من ناحيتها وطبعا ده كله بيرجع للاخلاق زي ما قال ادمين

[img][/img]بصراحه من الافضل ان الولد هو اللي يصرح بمشاعره الاول مش البنت لان كده بتققل من كرامتها

اهلا بيكى يادودا
طب بصى بقى لو بنت اعجبت بزميلها مثلا تعمل ايه

انتا شايف انها تعمل ايه؟؟

ردى انتى الاول يانور
انا الى سألت

البنت المفروض انها متعملش اي حاجة خااااااااااااااالص
بس ممكن تدعي ربنا انه لو خير ليها يارب يكون من نصيبها
وتسيب كل شيئ على الله
ان مكنش تدعي ربنا انها تبطل تحبه او تعجب بيه

لان الولد هو اللي المفروض يعمل اول خطوة وكل الخطوات اللي بعد كدة
عشان كدة ممكن بعض البنات يتعذبوا اكتر من الولاد لان مش بايدهم حاجة يعملوها في موضوع زي دة

وكلمة للبنات(محدش في الدنيا دي كلها يستاهل انك تنزلي من كرامتك او تذلي نفسك عشانه
خليكي دايما انتي اللي الناس بتتمناها وتطلبها مش العكس)

وفي النهاية لا يصح الا الصحيح

تمام يانور
بس اسمحيلى تعليقا على كلامك

اقتباس :

وكلمة للبنات(محدش في الدنيا دي كلها يستاهل انك تنزلي من كرامتك او تذلي نفسك عشانه
خليكي دايما انتي اللي الناس بتتمناها وتطلبها مش العكس)

هيا ماتتحسبشى كده
انما تتحسب
ان ربنا سبحانه وتعالى رايدلها الخير
يعنى لو الخير والافضل ليها انها تتجوز من الانسان ده
ربنا سبحانه وتعالى هايجعله من نصيبها

صح كلامك

بس في بنات للاسف الشديد مش بتحسبها من باب ان ربنا اكيد كاتبلها الخير

وشايفين ان الزمن اتغير والمساواة والكلام الفاضي دة وانها زيها زي الراجل في كل حاجة

بس في النقطة دي مينفعش لانها اكيد هتقلل من كرامتها ادامه على الاقل

انا بتفق معاكى يا نور انتى وادمين انها لو عملت كده تبقى بتقلل من كرامتها
واعتقد ان الولد حتى لو بيحبها ميكون متحفظ على جراتها دى