موضوع مفتوح--اكتب اللي انت عايزه

خطرت على بالي الفكرة دي
كل واحد يكتب اي حاجة
حتى لو مش مفهومة بالنسبة للناس التانية
او جملة خطرت على باله
او حتى مقطع اغنية

اوسؤال محيره وكل واحد يجاوب من وجه نظره
بس ياريت نعمل كدة بجد هيطلع موضوع جامد

ايه رايكم في الفكرة

فكره هايله يانور

بس مشعرفه اكتب ايه

يلا عيد الحب
ده اللي جه علي بالي

كفاية وجودك بس يالولي

المقطع دة عاجبني اوي:
يا انا تعبت منك انا احترت فيك انما ماتقولى امتى انا هتحس بيا انا واقدر عليك

ميرسي ياقمر ربنا يخليكي

اغنيه ايه دي يانور

تصور بحبك ولا كنت حاسه وكنت اما اقابلك بقابلك وبنسي ولكن في بعدك في عز الليالي لقيتك بتهمس لقلبي بهمسه

فكره جميل اوى يانور

وانا عندى سؤال بمناسبه عيد الحب
لو خطيبك او حبيبك نسى يجبلك هديه فى عيد الحب او حتى يقول كل سنه وانتى طيبه حتعملى ايه ولو حصلت معاكى عملتى ايه ساعتها والعكس للولاد

بالنسبه لسؤالك يابوسى "مع انى عارف ان كل البنات هاتزعل منى "
انا فى رأيي اننا مينفعشى نحتفل بعيد الحب اصلا

ليييييييييييييييييييييييييييه

لانه ملهوش اصل فى عاداتنا وتقاليدنا
ده غير الروايات الى بتتحكى عن اصله عن القديس فالنتين
ده غير ان الاحتفال بيه بيبقى فيه حاجات كتير خارجه عن الشرع للاسف

كل اللي بتقوله ده صح جدا
لكن ميمنعش برده اننا نحتفل بيه بشكل يليق مع تقاليدنا
لان الحب ده شى جميل ومنقدرش نعيش من غيره
ومش لازم يكون للحبايب بس لكن للاهل والاصحاب وكل شى جميل

هو اللى جة فى بالى عيد الحب لية اليوم دى بس ما الايام كلها فى ادنا نخليها حب لان الدنيا بدأت على حب وبعدين الاحتفال بية حرااااام اصلا

لو من جهة الشرع والدين الاسلامي
فعيد الحب والاحتفال به وتهنئة المسلمين به
حراااااااااااااااااااااااااااااااااام وبدعة ولا يجوز الاحتفال به
اولا: هو عيد عند النصارى ولا يجوز الاحتفال والتهنئة باعيادهم

ثانيا: يحرم قول كلمة "عيد", عيد الحب,عيد الميلاد,عيد الام,عيد العمال,عيد تحرير سيناء,وغيرها ........
لان في ديننا الاسلامي لا يوجد غير عيدين فقط
عيد الفطر وعيد الاضحى فقط

اما غيرها من الاعياد تعتبر بدع
وان نقول كلمة عيد على غير العيدين(عيد الفطر وعيد الاضحى) فان ذلك حرام
ويمكن تغييرها بكلمة "يوم" يوم الميلاد , يوم الام , يوم العمال وغيره

ثالثا: لو عايزين نخصص يوم للحب بحيث كل حبيب يعبر عن حبه بطريقته
ممكن يكون اليوم دة مختلف بين اي اتنين او بين اي اسرة
يكون في اي يوم تاني غير يوم عيد النصارى دة
ياسلام لو مجموعة او اتنين بيحبوا بعض يكون ليهم يوم حب مخصص بيهم ومحدش تاني يعرفه غيرهم ويعبروا فيه عن حبهم يكون احلا مش كدة؟؟...

رابعا : ولا نقول فالنتين ابدا احنا كلنا عارفين انه قسيس
احنا كدة بنشجعهم على دينهم وبنقولهم احنا مش متمسكين بدينا احنا معاكم
لأ لازم يكون لينا موقف عشان يحسوا بقوة تمسكنا بديننا

خامسا : كل دة انا متكلمتش على الاحتفال حكمه حرام بمحتواه
يعني ايه: يعني على حسب الناس بتحتفل ازاي او الناس بتعمل فيه ايه
ودة موضوع شائك جدا ويعتبر كل حاجة في الاحتفال حرام --الاختلاط والاغاني و و و
لو هدية صغيرة , كلمة جميلة, فسحة حلوة,بيكون ليها طعم احلى

متزعلوش مني انا مش بفتي ياجماعة الحاجات دي انا درساها
والله اعلم مني ومنكم
__________________________________________________________________
بالنسبة لسؤالك يابوسي:
انا لو جابلي هدية في عيد الحب وقالي كل سنة وانتي طيبة النهاردة عيد الحب هابي فالنتين

هسيبه وافسخ خطوبتي وارميله الدبلة في وشه

وانا مبسوطة بجد ان في ناس عارفة انه حرام ومبتحتفلش بيه
زي الادمن كدة

اعتذر للاطالة بس كنت عايزة اقول اللي في نفسي عن الموضوع دة

اقتباس :: انا لو جابلي هدية في عيد الحب وقالي كل سنة وانتي طيبة النهاردة عيد الحب هابي فالنتين

هسيبه وافسخ خطوبتي وارميله الدبلة في وشه

تسلم ايديك يانور
هوه ده الكلام