خبر عاجل جدا جدا

خبر عاجل جدا جدا

أعلنت منذ قليل مصادر أمنية عن هروب بابا نويل ومعه خروف العيد فى ظاهرة غير معروفة تحدث لأول مرة فى تاريخنا وقد أطلقوا عليها (ظاهرة خروف نويل)

دى مش حقيقة طبعا يا جماعة طبعا دى نكتة سمعتها من شوية فى احدى القنوات التليفزيونية
بس تفتكروا لو هى حصلت فى الحقيقة ليه بابا نويل
هيهرب؟؟؟؟

فى رأيى الشخصى أعتقد أن من حقه فعلا يهرب وذلك لدخله اللى أصبح دخله محدود جدا ومبقاش عارف يلاقيها منين ولا منين

هل يكفى مصاريف السلع اللى ارتفع تمنها وزجاجة الزيت اللى أصبح تمنها 12 جنيه؟؟؟[/b]

ولا يجيب هدايا للاطفال ؟؟؟؟؟؟

ففضل أنه يهرب قبل مايجيله انهيار عصبي من كتر الضغوط عليه
وسمعت كمان من مصدر سرى جدا انه دلوقت بيدور على عقد فى الخارج عشان يحسن دخله ويعرف يطلعلكوا جيل جديد مكافح من بابا نويل

لكن هتروح فين يا جميل!!!! وراك وراك

أما بالنسبة لخروف العيد ففضل هو كمان أنه يهرب ويقول للناس قضوها العيد ده جبنة وسلاطات
هو كمان زهق أوى أوى من الناس

خبر عاجل جدا جدا Ab834a89bf

ومن قلة جودة العلف اللى بياكله غير كل أنواع مقالب القمامة اللى ياعينى لف عليهم واحد واحد لحد مابقى حاله عدم خاااااااااااااااالص
غير أنه اتضايق جدا أنه مبقاش مالى عيننا وبقينا نستورد من استراليا

بس تفتكروا فعلا ظاهرة هروب بابا نويل وخروف العيد من الظواهر اللى ممكن نلتفت ليها أوى

يعنى هنهتم بهروبهم فعلا!!!!!!!

ولا نهتم بظاهرة الخصخصة اللى ضاعت فيها فلوس البلد والله اعلم راحت فين
ولا ادارة أصول الدولة اللى هناخد حقوقنا فيها أسهم!!!!!

ولا علب الصفيح اللى الناس عايشين فيها وبقت زى علب السردين

ولا الحديد اللى اصابه الغلاء وياريت لاقيينه

ولا المدارس الذكية اللى محدش عارف هما عاملينها ليه بالظبط
يعنى هنتهم بايه ولا بايه بالظبط
ولا حد عارف حاجة من اساسه

ووداعا لبابا نويل وخروف العيد

اه نسيت أقولكوا حاجة مهمة
كل عام وأنتم بخير بمناسبة عيد الأضحى(اللى بدون خروف طبعا)
و
HAPPY NEW YEAR
ويجعله عامر

للأسف مفيش عندى تعليق يانور بس اقدر اقول
كل سنه وانتم طيبين