لعبه المواقف......................!!

بسم الله الرحمن الرحيم
بصوا بقي ياجماعه المره دي عايزين نلعب بجد
انا جبتلكوا لعبه
اسمها لعبه المواقف
يعني كل اللي يدخل يقولنا موقف واللي يدخل يقول لوكان حصله كان هيتصرف فيه ازاي بس كله يقول رايه مش بس اول واحد يدخل عشان نشوف انهي احسن رد علي الموقف
بس اي حد عنده موقف يبدا عقبال مجهز انا الموقف بتاعي

يعنى لازم الموقف ده يكون حصل فعلا ولا ممكن نتخيل

لا طبعا ممكن نتخيل

لو فرضنا انك كنت بتشترى حاجه من السوبر ماركت مثلا وجيت تحاسب مالقيتشى معاك ولا مليم تعمل ايه

يادي الكسوف دي حاجه تكسف اوي
بس اعمل ايه عمل ايه
اه هسيبله الحاجه علي جنب واقوله معلش هخلرج افك لحسن شكلك كده مكندكش فكه 500 جنيه
واقول يافكيك

انا بأة حصل موقف شبيه بالموقف دة
كان معايا 100 جنيه بس
لما رحت احاسب طلعت الحاجة ب 120
قلتله لو سمحت انا مش عايزة كذا وكذا
كدة يبقى كام
قالي 98 قلتلوا اوك ماشي

الموضوع مفهوش احراج اني نسيت الفلوس او الفلوس خلصت انا مش بنك متحرك

ولو مكنش معايا فلوس خالص ممكن اقوله خلي الحاجات على جنب لاني فلوسي متكفيش وهجيب الفلوس واجي
ويا ارجع تاني يا مرجعش
بس لو مرجعتش يبقى مينفعش ادخل السوبر ماركت دة تاني ابدا ابدا

ندخل بقي علي الموقف بتاعي بس بليز ياجماعه الكل يجاوب
لوواحد منكم ماشي بعربيته بليل في حته مقطوعه ومفيش عربيات تانيه
وبعدين شاف 3 اشخاص
عجوز مريض
صديق قديم وحشه اوي
فتي اوفتاه احلامه
بس لازم يختار حد واحد فقط انه يركب معاه هاه كل واحد يقول هيختار مين وليه؟

loly كتب:

لوواحد منكم ماشي بعربيته بليل في حته مقطوعه ومفيش عربيات تانيه
وبعدين شاف 3 اشخاص
عجوز مريض
صديق قديم وحشه اوي
فتي اوفتاه احلامه
بس لازم يختار حد واحد فقط انه يركب معاه هاه كل واحد يقول هيختار مين وليه؟

طبعا بدون تردد هاختار العجوز المريض
لانى لما اختاره هاخليه يدعيلى انى اشوف صديقى وفتاه احلامى مره تانيه
وان شاء الله ربنا يتقبل منه

هتكلم لو انا ولد لان الموقف مينفعش معايا لو بنت
هدي العربي لصديقي العزيز ويوصل معاه العجوز
واعد انا وفتاة احلامي الي مصدقت لقيتها وصعب تاني الاقيها ننتظر اي عربية تانية تيجي توصلنا او صاحبي لما يرجع

ليه يانور مينفعش وانت بنت
عادي دي لعبه
وبعدين احنا بنعتمد علي التخيل
وكمان ممكن نحط مواقف مش موجوده في احقيقه
اصل اللعبه اساسا تعتمد اكتر علي التخيل

هدي العربيه لحبيبي اوفتي احلامي يوصل بيها العجوز لحد مااقعد مع صحبتي اللي وحشاني
وعقبال مايرجع هيكون طلع النهار فصحبتي تركب مع اي حد واركب انا وحبيبي العربيه

ما انا بتخيل لو انا ولد يبقى لازم اعمل كدة


لو انا بقى هاخد صحبتي حبيبتي معايا عشان هي واحشاني اوي
وهسيب فتى احلامي مع العجوز هو راجل ويعرف يتصرف

لو انت كنت بتحب حد اوي وهو كمان كان بيحبك وفجأه لقيته اختفي من حياتك وبعد وسابك من غير مقدمات حاولت تسأل عنه مش عارف توصله
المهم بعد فتره كنت موجود في مكان ولقيته هتعمل ايه؟؟؟؟؟؟؟؟؟؟

مش هعمل حاجة غير اني افتكر المقولة اللي بتقول

اطلقي سراحه فان عاد لك فهو ملك لك للأبد وان لم يعد فهو لم يكن لك من البداية

على الاقل الموقف دة في امل انكوا تكملوا اللي فات

بس لو بعد فترة لقيتيه في مكان وكان لابس دبلة في اليمين؟؟؟

او في الشمال

انا هاحاول اظهرله نفسى يعنى اخليه يشوفنى واهمل نفسى ماشوفتوش
ان جالى وحاول يتكلم معايا ممكن اسمعله واشوف السبب ايه
وان ماجاش يبقى الباب يفوت جمل

يامحمد انا اقصد حبيبه

انا فاهم انا بتكلم على حبيبه

أنا برده هعمل كده هحاول اظهر نفسي ولو جه وكلمني هسمعله واشوف واسمع هيقولي ايه مش يمكن كان عنده ظروف معينه
اما لوتجاهلني مش هعبره وكانه هوا وهمشي ولا كاني شوفته

ياريت ياجماعه الكل يشترك ويدخل ويحط مواقف
الدور عليكي يانور

اوك هقولكم موقف بسيط جدا بيتكرر كتير

لو في واحد معجب ببنت وعايز يتقدملها وعايز يعرف رايها الاول فقال لصحبتها تسألها؟

انا عايزة اعرف ايه راي البنات في الشاب دة من خلال هذا الموقف؟ ولو مريتي بالموقف دة هتردي بايه؟؟؟؟

وعايزة اعرف راي الشباب في الشخص اللي تصرف هذا التصرف؟؟ومن وجهة نظر الشاب هو مستني رد ايه؟؟؟؟؟

رايي فى الشاب ده انه طبعا معندوش ثقه فى نفسه"لانه مش رايح يقدم على شغل عشان ياخد واسطه"
واكبر غلط انه يدخل شخص اخر فى حاجه زى ديه
المفروض لو واحد معجب ببنت لازم الاول يتأكد من مشاعره ناحيتها ويتأكد انها الانسانه المناسبه ليه بعد كده يروح يكلمها مباشرة بدون واسطه
ده راى كشاب فى الشاب الى يعمل كده
بس ياترى البنات هايعملو ايه ؟

انا محصليش الموقف ده قبل كده بس انا عن نفسي احب انه يصارحني علي طول من غير وسيط لان بحب الشاب يكون جرئ وواثق من نفسه

لوانت قاعد في اتوبيس ولقيت
امراه عجوز
رجل عجوز
امراه تحمل طفل
لمن تقوم وتتركله مكانك

اعتقد اني ممكن اقوم للمرأة اللتي تحمل طفل
اعتقد