ازاي تعكنن علي واحد نايم

عزيزي الصاحي اذا كنت تعاني من أرق لأي سبب

و حاقد على واحد نايم او اذا طق فيوز النداله فجأه عندك أو عرق

الرذالة بيوجعك وقدامك واحد نايم كأي بطيخة تحترم نفسها

ماعليك الا ان تتبع الخطوات التاليه

وصدقني ممكن يقتلك فيها

أولا : اذا كان في عز نومه وانت مانمتش أو مش جايلك نوم ادخل الغرفه وشغل النوووور

واطلع بمنتهي البرود كأنك لم تفعل شيء.

إذا كان نومه خفيف هايصحي وقولك ( إطفي النور يا زفت انت ) .

طبعا إحنا اتفقنا إنك بارد عشان كدا

متديلوش أي إهتمام و تذكر القانون الثالث لنيوتن في التنفيض

" لكل فعل تنفيضة مساوية له في المقدار و مضادة له في الإتجاة " .

أما لو كان نومه تقيل يبقي تستعمل الطريقة رقم 2

ثانيا : اكتشف إن في بيتكم سرير وعايز تتأكد إن كل حاجه تمام و إن السرير
رجليه مظبوطة

طبعا دا السرير إللي أخينا

نايم عليه ويمكنك ساعتها القيام بالكثير من التخبيط و الدقدقه وتحريك
السرير ولكن إنتبه ممكن يصحى من النوم فيجدك تحت السرير

او رأسك في متناول يده فلا أحد يعلم ساعتها ماذا يمكن أن يحدث
لو كان من هواة النوم وبجوارهم مفتاح إنجليزي

.. لذلك أنصحك أن تهز السرير هزات عنيفة حتي يستيقظ وقبل أن
يفيق تماما أجرى بأقصي سرعة
ومتنساش المثل اللى بيقول
الجرى نص المجدعة
دلوقتى بئا يا حبيبى هو المجدعة كلها

ثالثا : اذا كنت مقهــــــــور من واااحد ناايم العصر او الظهر أدخل الغرفه

وغطيه كويس و إقفل التكيف واطلع ومتنساش

تقفل البيبان والشبابيك كويس اوى.

واذا كانت في دفايه بالغرفه , ياعيني شغلها بقي علي أسخن حاجة وسيبه
واطلع بره كأنك لا تعرف عن الأمر شيء .

لسه ما قامش ؟؟

إوعي تيأس

رابعا :
لو كان لسه ماقامش !!!

ماتعملش حاجة من اللي سبق ذكره إنما بهدوء

حط ايدك على الراديو وشغل محطه خرباااانه

و يا سلام لو كانت بتاعت أغاني هابطة من نوعية

( حبيبي فوق حبيبي تحت حبيبي رايح حبيبي جاي )

وعلي الصوووت على الآخر و امشي إنت كمل فرجة على التليفزيون .

خامسا :
اذا كان لسه نايم وانت شبعااان نوووم بس عايز تتونس

جيب ماية ساقعة وقرب من النايم ونقط على وشه نقطة نقطة هايترعش
ويمسح وشه فاكرها نمله ولا حاجة .

واقعد كده لحد ما يصحي أو يقوم يرزعك قلم محترم علي وشك ويكمل نوم
ما تمشيش برده
سادسا :
خذ منديل ولفه لحد ما يبقي على شكل عود كبريت كدا... الغرض ان يكون نهاية
طرفه حاد ..

وبس بقى .. أخينا رأسه أصبحت ملعب وأنت الهداف

ممكن تحطها في ودنه ( الحركة دي مستفزة جدا ومجربة ) .

ممكن تحطها في بؤه

ممكن تمشيها على وشه

انت و ضميرك بئا

لو صحي يبقي إحتمال إنه يفرجك علي عنبر الكسور في أي مستشفي قريب من
بيتكم

واذا مانجحتش كل الطرق اللي فوق... تأكد انه مش آدمي . . خليه نايم احسسسسسن

تخيلي بقي فعلا واحد صحبي ظريف عمل معايا واحده من الطرق الظريفه دي

وكنت وقتها نايم نوم اهل كهف واصر يظهر الجانب الاخر من دمه الخفيف اوي اوي اوووووووووووي

بس ولله الحمد ردي عليه كان مزلزل ومدمر وموقوع ومزمجر ومشمر

ومن ساعتها كره اي حاجه اسمها خفه في الدنيا ....... حتي بقي يلبس تقيل واحنا في الصيف

اقتباس :: بس ولله الحمد ردي عليه كان مزلزل ومدمر وموقوع ومزمجر ومشمر

اكيد فرجته على عنبر الكسور في المستشفى اللي جنبيكم
ربنا يكون في عونه يارب

انا زمان بس كنت بعمل الحاجات دي في اختي و كتير كنت بضايقها في وشها و هي تفتكر دبانه ولا حاجه و تهشها , كان بيبها منظرها تحفه
لكن دلوقت بقت ممنوعه من اللمس و الاقتراب , اللي هيقرب هيتلطش

طيب واللى موش صحى من كل دا
اعمله ايه علشان اصحيه
نفسى اصحى اخويا وهونايم
دى امنية الوحيده ازاي تعكنن علي واحد نايم Icon_pale

هقولك تعملي ايه

هتجيبي ربع كيلو ترمس صاحي

ونص ربطة جرير

ورجل فار مسلوخ

تفرميهم

وبعد كدا ترميهم في الزباله ....... وهتنامي

طبعا هتحلمي بالفار المسلوخ .......... تصحي مفزوعه وبتصرخي

اخوك هيصحي ويقولك في ايه ........... ما ترديش عليه

هيتاغظ منك ...........معرفش بقي هيعمل فيكي ايه { مش مهم }

المهم انه صحي

هههههههههههههههههههههههه
قلبك ابيض يازعيم
والنبى لو البيت بيتهد ماهيصحى برده
الواد دا هيجننى وربنا ازاي تعكنن علي واحد نايم Icon_pale