يا سلام عليكى يا دنيا اما تراضينا وتقربى منا أحلامنا
لما نحس الفرح فقلوبنا وتحلى فعنينا أيامنا
ويعز عليكى تكمل الفرحة
كأنها مش لينا مقسومة لغيرنا
بتهزرى سيادتك؟؟بتنكتى معانا؟؟
هزار رخم بايخ مش جاى على هوانا
يا دنيا خفى شوية دى قلوبنا وجعانا
ليه كل ما بيكى نرضى تيجى معاندانا
وكل ما سايرنا همك بزيادة تعبانا
ويجى وقت الفرح وهمومنا شغلانا
أول ماننسى الجرح تقومى كاويانا
ويخف صوت الأه تقومى دبحانا
أما صحيح دنيا فانية وجبانة
عارفة.....؟
عارفة برغم عنادك عليا صعبانة
مغرورة ليه فنفسك دانتى غلبانة
بتفكرى بعندك تبقى كاسرانا؟؟
يا دنيا لا ولأه ده ربنا معانا
وإيمانا فقلوبنا خلاكى خسرانة
وان كان المر دائك الصبر هو دوانا
وأملنا دايما عايش شايلينه جوانا
واما تضيق بينا أمانينا سبقانا
عايشين نعيم فيها ودعانا ويانا
متعلقين بالأخرة..مش بيكى يا دنيا
..مش بيكى يا فانية
. .مش بيكى يا جبان
