حاجات بنعملها غريبة جدا

فى دايما اسئله وتصرفات على طول بنعملها ده لو بطلناها هيجرلنا حاجه بس الاسئله بتبقى مستفزه للى بيتسأل وبكون عايز يخنق اللى بيسأله او ميردش عليه
بصوا التصرفات دى والاسئله الرذله دى

1_واحد داهن الحيطه ولسه مانشفتش وكاتب يافطه اد دماغه حاسب الحيطه لسه مدهونه يقوم يجى واحد ظريف وحاطط ايده عليها وبيلمسها وبيقول ده لسه منشفتش فعلا
(يعنى هو لازم يحلف)

2_أنت في أوضتك على السرير وطافي النور ومتغطي فيجى اخوك مثلا ويقولك انت هتنام ولا ايه؟ سؤال ينرفز (( اكيد
انا مش فى وضع رقص وواضح اوى ان انا هنام))

3_أنتم معزومين عند ناس ورحتو لبيتهم وأول ما فتحولكوا الباب سألوكوا
ايه ده انتو جيتواا ؟
(لا لسه والله ما جيناش)

4_أنت لابس هدومك و متأنتك و على سنجه عشره وريحة
البارفان
واصله لاخر الشارع وخلاص بتفتح باب الشقه يجي حد من أهلك
وينادي ويسألك بصوت عالى انت خارج؟
(( لاء دانا لسه راجع ))

5_ماسك سماعه التلفون وقاعد بتدوس على الارقام يجي حد من أهلك مثلا
ويقولك
انت هتتكلم في التليفون ؟
(( لا بتفرج عليه أكيد بتكلم ))

6_مثلا : ماسك مذكرة أو كتاب وقاعد بتحفظ ومتحمس اوى جه حد
وقالك :انت قاعد بتذاكر ولا ايه؟
(( تقوم رامي الكتاب و تقوله لااااااااء ))

7_واحد بيخبط على الباب وانت رايح تفتح طبعا هتقول الاول مين؟
فيرد عليك ويقولك انا
(( يا راجل تصدق كنت فاكرك مش انت







ليه لما نروح اي مكان في اسانسير نفضل ندوس على الزر ميت مره(اكن كل لما تدوس اكتر هينزل اسرع







ليه بعد ما نشرب بيبسى ونخلصه نهز العلبه؟؟

يعني مستنى عفريت يطلعلك من الكانز يقولك مبروك كسبت كمان شفطه ..



ليه لما بنكون قاعدين في مكان عام ونسمع رنة مسج ولارنة موبايل على طووووول نشوف

موبايلنا؟؟

دة على اساس الواحد مهم للدرجه دية ومقطع التليفونات كلام علشان يرن بين البشر دي

كلها ..؟؟!! ولا يعني انت مش عارف رنة موبايلك عشان كل ما واحد يرن تبص عندك؟؟



ليه كل ما يجى حد يقول نكته يقول سمعت اخر نكته على اساس اللى انا حافظ النكت بالترتيب





ليه كل مانوقف تاكسى نقوله فاضى يا سطه مع ان العربيه مهويه





ليه بنوطي صوت الكاسيت في العربية اذا كان الطريق زحمه او لو تهنا؟؟؟

يعني كده الطريق هيفضى ولا هنعرف فين الطريق



ليه اذا لعبنا بلاي ستيشن (لعبة سيارات) نلف مع السيارة اذا تحركت يمين ويسار؟؟
تكونش انت السياره







ليه نقول هدية مجانية ؟؟
لييييه عمرك سمعت عن هديه بفلوس



لماذا عندما تكون منتظراً المصعد ويأتي شخص آخر تجده يضغط أيضاً لطلبه ؟؟
يعني مش شايفك خالص وحضرتك واقف طرطور بقى





لماذا نفتح فمنا عندما نقوم بإطعام الطفل الصغير ؟؟
هو اللي هياكل يعني والا احنا






ليه بعد ما نشرب فنجان الشاي كله نبص فيه إذا لسه فيه والا خلص ؟؟
يعني ما نصدقش حتى نشوف

تسلمى موضوع جميل

ماسك مذكرة أو كتاب وقاعد بتحفظ ومتحمس اوى جه حد
وقالك :انت قاعد بتذاكر ولا ايه؟
(( تقوم رامي الكتاب و تقوله لااااااااء

ههههههههههههههههههههههه
عندك حق والله حاجه تنرفز فعلا

ميرسى ع التوبيك

ههههههههههههههه


حلوين اوي