noor
نائب المدير
عدد المواضيع : 698
العمر : 37
العمل/الترفيه : Engineering
تاريخ التسجيل : 20/09/2008
 | | موضوع: حوار لطيف بين هو وهى الإثنين سبتمبر 29, 2008 5:59 pm | |
| حوار لطيف بين زوج مع زوجته
هو : حبيبتى أنا حأطلب بيتزا ، عايزة حاجة؟
هى : لا يا حبيبى
هو : اوكى
هى : ولــــ أقولك ..؟
هو : ها ،،،،، أطلب لك كمان ؟؟؟؟
هى : مش عارفة !!!
هو : مش عارفة اذا كنتى عايزة ؟
هى : لاء
هو : انتى جعانة ؟؟؟؟؟؟
هى : يعنى
ههو و : يعنى إيه يعنى ... ؟
هى : يعنى مش متأكدة اذا كنت جعانة ولا لأ.
هو : الواحد لما بيكون جعان بيعرف
هى : لأ بس يمكن اجوع بعدين
هو : يعنى اطلب ليكى بيتزا ؟؟؟؟
هى : طيب واذا ما كنتش جعانة وقتها..؟
هو : ماتاكليش
هى : بس ده كدة يبقى تبذير
هو : خلاص ، تبقى تاكليها بكرة
هى : واذا ما كانش لى نفس آكل بيتزا بكرة ؟
هو : مش محتاجة نفس ، الواحد عادى ممكن ياكل بيتزا كل يوم
هى : انا لا ..
أنا مش باكل بيتزا الا لما يكون عندى نفس للبيتزا
هو : طيب بلاش ، أطلب لك حاجة تانية؟
هى : بس أنا مش عايزة حاجة تانية
هو : يعنى عايزة بيتزا؟
هى : لا
هو : يعنى مش عايزة حاجة؟
هى : لأ برضه
هو : جننتينى ، طب أعمل إيه؟
هى : اطلب انت لنفسك
هو : الحمدلله ، اخيراً .. ماشى
هى : بس اطلب بيتزا بالتونة
هو : نعم ؟ انا مش بحب البيتزا التونة وأنتى عارفه كده
هى : بس انا بحبها بالتونة
هو : وانتى مالك ؟ هو انا حاطلب ليا ولا ليكى
هى : ليك طبعا
هو : طيب أطلبها ليه بأة بالتونة...؟
هى : يمكن اجوع لما يوصل الاكل
هو : وبعدين ؟؟؟؟؟؟؟؟؟
هى : ياسلام ، يعنى تفتكر آكل حاجة مش عاجبانى ؟
هو : ليه هو انتى – أصلاً - عايزة تاكلى
هى : ليه لأ
هو : يا مثبت العقل .. هو أنا حاطلب بيتزا لى , عشان احتمال انتى تاكليها اذا كنتى جعانة؟؟
هى : بالضبط
هو : وأنا بلاش آكل؟
هى : يمكن وقتها أكون مش جعانة
>>>>>>>>>>>
ملاحظة
محكمة الجنايات قررت تبرئة الزوج من تهمة
"
قتل الزوجة مع سبق الإصرار والترصد"
وتحويل التهمة إلى ..
"
قتل الزوجة دفاعاً عن النفس "
*********** | |
|
Admin
مدير المنتدى
عدد المواضيع : 1056
العمر : 41
العمل/الترفيه : بدور على شغل
تاريخ التسجيل : 10/09/2008
| | موضوع: رد: حوار لطيف بين هو وهى الإثنين سبتمبر 29, 2008 6:13 pm | |
| طبعا هو الى جاب ده كله لنفسه لو كان دبحلها القطه من اول يوم مكانش حصل الى حصل الله يرحمك ياسي السيد "والله العظيم ديه حاجه تجنن وهو ليه اصلا يطلب بيتزا من بره ليه هيا ماتقومشى تعملها فى البيت" رجاله اخر زمن التوقيع اعزب | |
|
فتونة
مشرفه
عدد المواضيع : 710
العمر : 32
العمل/الترفيه : القراءة
تاريخ التسجيل : 18/09/2008
| | موضوع: رد: حوار لطيف بين هو وهى الإثنين سبتمبر 29, 2008 7:52 pm | |
| بصراحة تستاهل وكده مش كفاية كمان | |
|
AHMODA
عضو نشط
عدد المواضيع : 216
العمر : 41
العمل/الترفيه : مهندس زراعي
تاريخ التسجيل : 18/09/2008
| | موضوع: رد: حوار لطيف بين هو وهى الثلاثاء سبتمبر 30, 2008 4:33 pm | |
| طب فيها ايه يعني لو كان طلبها بالتونه وريح دماغه انا شايف انه زودها شويه مع زوجته حبيبته اللي ملهاش غيره في الدنيا  | |
|
Admin
مدير المنتدى
عدد المواضيع : 1056
العمر : 41
العمل/الترفيه : بدور على شغل
تاريخ التسجيل : 10/09/2008
| | موضوع: رد: حوار لطيف بين هو وهى الثلاثاء سبتمبر 30, 2008 5:36 pm | |
| ياجماعه رد احمد ده تحت ضغط
اوعوا تاخدوا عنه فكره وحشه | |
|
sasoo
عضو جديد
عدد المواضيع : 72
العمر : 32
العمل/الترفيه : طالبه
تاريخ التسجيل : 14/09/2008
| | موضوع: رد: حوار لطيف بين هو وهى الأربعاء أكتوبر 01, 2008 8:19 am | |
| هههههههههههههههه
اكيد
حسيت ان كلامة فية خوف كدة
ربنا يستر من اللى هيحصلة | |
|
