واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له "اتفضل" التاني يقوله "لأ اتفضل إنت الأول."
2-توأم بيقول لأخوه التوأم وهو متنرفز إنت كنت فين ياعم أمك حمتنى مرتين
3-
مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك يا أستاذ.
4-مرة واحد واقف على الكوبرى عمال يقول 53 53 53 فالناس اتلمت وفى واحد راح قاله ايه 53 ده قام قايله بص كده فلما بص قام رميه وقعد يقول 54 54 54 .
5-مسطول بيقول لزميله ... عود الكبريت ده مش راضى يولّع .. الثانى راح قال له: غريبة مع انى لسه مولعه من شويه
6-واحد بخيل راح يزور مامته فى المستشفى لقى على الباب كلمة ادفع ...... قال ازورها بقى لما تروّح البيت.
7-مره واحد كسلان محكوم عليه بالإعدام ردما فى حفرة فبيقلوله "نفسك فى ايه قبل ما نردم؟" راح قالهم "أشرب قالولوه "اطلع اشرب" راح رد وقال "انا لسه هطلع يا عم اردم اردم!!"
7-
8-مرة واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم
، وفي قفص القرود ياكلهم ، وفي قفص القطط ياكلهم ، راح راميه في الصحرا .
صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور
بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين
9واحدة ست جالها وجع الولادة اتصلت بامها جت أمها اتصلت بالدكتور ،
الدكتور دخل يولّدها جاب العيل ومسكه من رجليه وضربه صرخ الطفل فاطمئن الدكتور
، وبص لقي عيل تاني مسكه من رجليه وضربه فصرخ الطفل فاطمئن الدكتور ،
بعد كده الدكتور غسل ايده ومشي .. الست قالت لامها انا حاسه بحاجة بتتحرك!
كشفت الأم لقيت عيل بيبص وبيقول هو الراجل الغِتِت اللي بيضرب العيال مشي ولا لسه
10-
فريق نمل بيلعب ومن ضمنهم صرصار لية...؟ لاعب محترف
11- حرامى سرق فرخه وراح يكله على شط النيل فشافه عسكرى وقل له مسكتك ياحرامى الفراخ ، والريش جنبك اهو ...
فقال له الحرامى لا ياشويش دى نزلت تستحمى وقالت لى خلى باللك من هدومى
