المفتش كورومبو

اهلا بيكم

النهاردة حصلت حاجه كوميدى خالص

روايدا الشهيرة بـ (رودى) إشترت 2 كيلو برتقال أبو صرة علشان عندها شوية برد

ولما وصلت بيهم لباب العمارة إفتكرت إنها نسيت تشترى نص كيلو لبن علشان ولادها بسمله وحازم
وكان واقف أما باب العمارة على الرصيف التاني تلات اشخاص

الأول : (سعد الكبير) اللى كان وايقف بيسمع فى الام بى سري اغنية ريمكس

الثاني : هو(روئه بوستر) اللى كان واقف بيبيع بوسترات لكاظم الشاهر

والثالث : وهو( د:حازم افتح بوئك) واللى كان بيشرب عصير قصب فى المحل اللى قدام العمارة

فسابت ( روايدا ) كيس البرتقال جمب باب العمارة ورجعت علشان تشترى اللبن

ولما إشترت اللبن ورجعت ملقتش كيس البرتقال

ولما سألت التلاته إذا كان حد فيهم شاف كيس البرتقال بتاع روايدا قالوا ..

سعد الكبير: أف ..بجد حاجه موش ممكن كيس برتقال ايه وبتاع ايه ..يعنى ينفع كده تخرجيني من المود بتاع الاغنية ..بجد حاجه لا تطاق ..ال برتقال ال .

روئه بوستر:هع هع.. برتقال ايه اللى انت جاى تقولى عليه وواجعه دماغنا علشان شوية 2 كيلو برتقال أبو صرة .. لو لاقيتيه هاتى واحدة.. هع هع.

د:حازم افتح بوئك :لا انا مشفتش اى أكياس برتقال خالص انا واقف بشرب العصير حتى لسه مخلصتهوش .. تاخدى شوية .

روايدا

معرفتش مين اللى سرق كيس البرتقال

بس أنا عرفت

لو انت كمان عرفت

اتصل على الرقم ده

زيرو اربع اصفار صفرين

وإبقى قابلنى لو كسبت حاجه ..

مطلوب مننا نجاوب يعني

اعتقد

روئه بوستر

يابنتي انت جاوبتي ليه مش هنا
هو مش قلك اتصلي
زيرو اربع اصفار صفرين

ما انا اتصلت واحد رد عليا affraid

وقالي الرقم دة غلط ومحدش يتصل هنا تاااااااااااااااااااااني pale

لا يانور انتى لازم تتصلى لغايه مارصيدك يخلص
وبعد مايخلص ان شاء الله
اتصلى فيه واحده هاترد عليكى تروحى قايللها الاجابه على طول قبل ما تقفل السكه فى وشك

اه اللي بتقول رصيدك الحالي لا يصلح لاتمام هذه المكالمه
مش كده

أنا عرفت الأجابة بس مش هاقول علشان مش عارفها أساسا scratch

كده كده مش هاكسب حاجة خالص[img][/img] المفتش كورومبو