اصدقاء اون لاين
هنا صديق بانتظارك
اصدقاء اون لاين
هنا صديق بانتظارك
اصدقاء اون لاين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اصدقاء اون لاين

اصدقاء اون لاين
 
الرئيسيةالبوابةأحدث الصورالتسجيلدخول

 

 << أحمد فؤاد نجم >> التحالف ( يعيش أهل بلدي )

اذهب الى الأسفل 
كاتب الموضوعرسالة
memooo
عضو نشط
عضو نشط
memooo


ذكر
عدد المواضيع : 143
العمر : 28
العمل/الترفيه : .....
تاريخ التسجيل : 14/06/2011

<< أحمد فؤاد نجم >> التحالف ( يعيش أهل بلدي )  Empty
مُساهمةموضوع: << أحمد فؤاد نجم >> التحالف ( يعيش أهل بلدي )    << أحمد فؤاد نجم >> التحالف ( يعيش أهل بلدي )  Emptyالجمعة يوليو 27, 2012 11:31 am

يعيش أهل بلدي

وبينهم ما فيش

تعارف

يخلي التحالف يعيش

تعيش كل طايفه

من التانيه خايفه

وتنزل ستاير بداير وشيش

لكن فى الموالد

يا شعبي يا خالد

بنتلم صحبه

ونهتف .. يعيش

يعيش أهل بلدي

يعيش المثقف على مقهى ريش

يعيش يعيش يعيش

محفلط مزفلط كتير كلام

عديم الممارسه

عدو الزحام

بكام كلمة فاضيه

وكام اصطلاح

يفبرك حلول المشاكل قوام

يعيش المثقف

يعيش يعيش يعيش

يعيش أهل بلدي

يعيش التنابله

فى حي الزمالك

وحى الزمالك

مسالك مسالك

تحاول تفكر تهوب هنالك

تودر حياتك

بلاش المهالك

لذلك إذا عزت توصف حياتهم

تقول الحياة عندنا

مش كذلك

وممكن تشوفهم فى وسط المدينه

اذا مر جنبك

أتومبيل سفينه

قفاهم عجينه

كروشهم سمينه

جلودهم بتضوي

دماغهم تخينه

سنانهم مبادر تفوت فى الجليد

ما فيش سخن بارد

بياكلوا الحديد

ما دام نهر وارد

وجاي م الصعيد

تزيد الموارد

كروشهم تزيد

وتسمع وتسلم

بأن التنابله

أو الأكالين

حيسمح كبيرهم

ويعمل مقابله

مع الفلاحين

ويحصل تحالف

ما بين الجميع

ونملا المصارف

بدم القطيع

أطيع الخليفه

أطيع والديك

أطيع التنابله

دا مفروض عليك

وتزرع وتبعت لحي الزمالك

وحي الزمالك

مسالك مسالك

تحاول تفكر تهوب هنالك

تودر حياتك بلاش المهالك

لذلك

إذا حد جاب لك سيرتهم

تبسمل تكبر

وتهتف كذلك

يعيش التنابله

يعيش يعيش يعيش

يعيش أهل بلدي

يعيش الغلابه

فى طي النجوع

نهارهم سحابه

وليلهم دموع

سواعد هزيله

لكن فيها حيله

تبدر تخضر جفاف الربوع

مكن شغل كايرو

ما يتعبش دايره

لا ياكل

ولا حتى يقدر يجوع

يا غلبان بلدنا

يا فلاح يا صانع

يا شحم السواقي

يا فحم المصانع

يا منتج

يا مبهج

يا آخر حلاوه

يا هادي

يا راضي

يا عاقل

يا قانع

ما تتعبش عقلك

فى شغل السياسه

وشوف انت شغلك

بهمه وحماسه

وعود عيالك فضيله الرضا

لأن إحنا طبعا

عبيد القضا

ورزقك ورزقي ورزق الكلاب

دا موضوع مؤجل ليوم الحساب

كمان الصحافه

حتكتب فى حالتك

وتنشر مناظر لخالك وخالتك

وتتطلع يا مسعد عليك الغناوي

وتسمع باسمك

فى قلب القهاوي

تحبك مشيره وبنات الجزيره

وقصه غرامك

تشيع فى الرداوي

يعيش عم مسعد

يعيش يعيش يعيش

يعيش أهل بلدي
الرجوع الى أعلى الصفحة اذهب الى الأسفل
 
<< أحمد فؤاد نجم >> التحالف ( يعيش أهل بلدي )
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
اصدقاء اون لاين :: ترفيه :: خواطر وأشعار-
انتقل الى: