أمثال شعبيه ليبيه

* قرد موالف ولا غزال شارد .
* يا تعس من عنده ابنتّه حارة ... بنيّة وحيدة تفيّض المرارة .
* يا عيون مصبركم على غاليكم ... كيف ترقدوا نوم الهني ويجيكم .
* تمنيتلك يا قلب ما تتمنى ، حجة وتوبة والصلاة والجنة .
* يا نفس توبي وارجعي للمولى ... راهو وراك القبر مشنى طوله ...
لو تندري يا نفس شن يطرالك ... تنوحي على روحك العمر بطوله .
* اللي ما تعرفش تندب ، علاش يموت راجلها .
* حاسدين الأعمى على طول عكازه .
* قالّه التقعميز على الرخام في الصيف مضرة ..
قالّه وفي الشتي ؟ ... قالّه لو كان خلاك تقعمز .
* إمشي صحيح لا تعتر لا اطيح .
* اللي مرته قصيرة ، يفرح ويقول صغيرة .
* ياعين خليك منه كثر البكي والغريدي ، إمغير أطلبي فضل مولاك ، يقرب زول من تريدي .
* بالله يا قلبي شرتعها ... يا رحمة ربي موسعها .
* فيه من كلامه مستكه وقرنفل ، وفيه من كلامه حار زي الفلفل .
* قال للقبر ردلي بوي ... قالّه أنا نستنى فيك .
* زوجت بنتي باش نرتاح من بلاها ، جتني وأربعة صغار وراها .
* حط الفلوس في فم المدفع يسكت .
* الكذاب .. أصبر شوية وانشده .
* زي رجل البهيم القدامية ... لا تحك ، لا تصك .
* اشكون يسبقك ، إذا تجري وحدك .
* ما يغلبك كان اللي يقولك أعطيني فلوسي

علي فكره انا قعدت في ليبيا العزيزه مده كبيره حواااااااااااااااااالي 7 شهور

ورغم كدا

مش فاهم ولا كلمه

لكن التوبك راااااااااائع وجميل وتحفه .... ايه الطعامه دي

اي خدعه برفع من مراوحك المعدنيه

ماشى مرسي اوى انت ع فكرة كرهتنى اعمل مواضيع لما اشوف مواضيعك ان شاء الله