السلام عليكم ورحمة الله وركاته
ما رأيكم فى عودة للزمن الجميل وإحياء السلوكيات الطيبة الأصيلة
ما رايكم أن نتمسك بالقاعدة العريضه فى السلوكيات الطيبه
ونترك شواذ القاعدة من السلوكيات الغير طيبه التى نراها فى الغير
ونحاول أن نلقى الضوء على أساس القاعدة الجميله
أكيد فى سلوكيات كتيره لازم نتوقف عندها لازم ولابد من تغيرها
وفى سلوكيات طيبه متواجد لكن بقله يجب الاكثار منها
القاعدة هى السلوكيات الطيبه وشواذ القاعدة السلوكيات الغير طيبه
لكن عندما تنعكس القاعدة ؟؟؟ تنذرنا أنا هناك من الأخطاء فى السلوك السوى الطيب كثيره بحاجه لوقفه تمكننا من تغيرها
هابتدى طيب انا بسلوك طيب نفسى نحيه تانى
حب الاخرين
قال رسول الله صلى الله عليه وسلم لا يؤمن أحدكم حتى يحب لأخيه ما يحب لنفسه
ليه اصبحت الأنا مشكلة عند ناس كتير
ليه ناس مبداء عندهم أنا وبعدى الطوفان
ليه الانانية هى السائده فى تعاملات بعض الناس
ليه المصالح والمادة هما العامل المساعد لحب بعض الناس
ليه النفوس ما بقت صافيه
ليه ديما بقينا نشك فى بعض ليه بقت قاعدة عند ناس كتير اظهار سوء الظن الى أن يحدث العكس
ليه بقينا نخون بعض ونقول فى الاخر ضاع الامان ليه
بنبعد للاسف عن اسلامنا وعن تعاليم دينينا الجميل وعن قدوتنا ونبينا علي افضل الصلاة والسلام
مش أساس ديننا الحب مش بنحب ربنا سبحانه وتعالى وبنحب رسولنا عليه أفضل الصلاة والسلام
ده اساس الحب فى الدنيا ومنه أتفرعت فروع كتيره للحب جوانا
لو عرفنا معنى الحب الصادق هانعرف ازاى نحب الاخرين
حاجات كتير بالحب هاتتغير من سلوكيتنا
هانبطل نخون ونظن فى بعض
هانخاف اكتر على بعض
هانتمنى الخير لبعض
هانساعد بعض
الحب هايصفى قلوبنا وهايطهرها
هاتبقى قاعدتنا جميعا أن نحسن الظن ببعض إلى أن يظهر العكس
مش هانعلى ابدا ونكبر واحنا بندوس على جراح والأم بعض وبنستخف بمشاعر بعض
لكن هانعلى ونكبر ونبقى أحسن ناس واحنا بنحب بعض وقلوبنا جميعا على بعض
ياريت نتناقش كلنا
لان السلوكيات الطيبة كتير جدا والسلوكيات الغير طيبه متواجده بالفعل متى حصرنا كل السلوكيات أعدنا القاعدة
الى اصلها الصحيح
