اصدقاء اون لاين
هنا صديق بانتظارك

اصدقاء اون لاين

اصدقاء اون لاين
 
الرئيسيةالبوابةس .و .جبحـثالتسجيلدخول

شاطر | 
 

 مواقف2(اتسرقت)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
llolastar
المشرف العام
المشرف العام
avatar

عدد المواضيع : 271
تاريخ التسجيل : 10/09/2008

مُساهمةموضوع: مواقف2(اتسرقت)   الثلاثاء سبتمبر 22, 2009 12:44 pm

بصوا يا جماعه الحكايه بتاعت انهارده بجد موتتنى من الضحك لانها حكايه لذيذه مووووووووووووووووت بلاش احرقها اكتر من كده اسيبكم تقراوها بنفسكم يالا عيشوا الضحك من القلب


الحكاية دي مايعرفهاش أي حد غير انا و ماما ..ماحكيتهاش لأي حد من أصحابي ..يعني ابقوا اتفشخروا قدام كل أصحابكم بالأمتياز ده ...حصريا على القهوة ..حكاية العريس التاني ل عايزة أتجوز ..إقرا الحادثة ..اقرا الحادثة
احمم..مقدمة...عارفين ايه احساس واحده و هي ماشية في الشارع و تحس ان حد معجب بيها..مش معاكسه يعني و كده ..لأ بيبقى فيه كده كيميا زي مابيقولوا الأجانب ..و على فكرة فيه جوازات كتير بتبدأ كده ...واحد يشوف واحده في الشارع..يمشي وراها ..يعرف ساكنة فين و يسأل عليها و يخطبها ..ابن عمي عمل كده و البت لسعته حتت قلم على وشة ..علم على صداغه 3 أيام ..قام هو اتكيف قوي و قال البت دي واضح انها مؤدبة و متربيةوراح خطبها ..آه و النعمة..هي صحيح بعد كده اتضح ان ايديها بتطول عليه في كل المواقف مش في الموقف ده بس ..بس و الله الراجل مبسوط و بيحلف باليوم اللي شافها فيه..و بيلعن أبو ...والا بلاش دي في مقام عمتي برضه


المهم أنا يوم نازله من البيت رايحه الشغل..حسيت بكيميا م اللي كنت بقولكم عليها دي ..حسيت ان فيه عين هتخرم قفايا ..اتديرت بسرعه كده في الخباثة لقيتلكم راجل انما ايه ..طول بعرض بارتفاع.ماسك ف ايده شنطة سودا و لابس بدله و كرافته و نضارة شمس....عامل كده زي العيال اللي كانوا بيطلعوا في إعلانات جمعية شباب المستقبل بتاع جمال مبارك "شباب الجيل ..قوام جينا ..هو ..هو" فاكرينهم ؟..المهم الواد كان حليوة و انا قلبي هفهفله أول مالمحته ..استنيت شوية ع المحطه و بعدين جه الميكروباص..ركبت راح راكب ورايا..قلت الشياكه دي كلها هتركب مكروباص ليه يعني..أكيد في الأمر إنا ..و جه كمان قعد جنبي ....يا حلولي يا حلولي..بس كنت خايفه ليعاكس و ساعتها أنا ماعرفش أبويا ...باللي ف رجلي و لايهمني لا شباب المستقبل و لا جمال مبارك ولا حاجه أبدا..بس لاقيته في نص المسافه كده ..بيميل عليا و بيقول باسلوب رزين كده
...لو سمحتي ممكن أسأل حضرتك على حاجه ..وانتوا ماتعرفونيش... باتسطل لما حد يقولي حضرتك ..بس برضه مش سهله يعني..صدرت الوش الخشب و قلتله ..خير بمناسبة ايه ؟...يعني كنت عايز أسأل بس ..هو حضرتك مرتبطه ..واضح انك مش مخطوبة ولا متجوزة مافيش دبل في ايديكي ..بس الإرتباط بأه لازم أتأكد منه من حضرتك ..(حضرتك تاني يا حلولي)..والله الكلام ده مايتقالش في مواصلات و بعدين انا ماعرفكش و مش متعوده أكلم حد ماعرفوش ..طب يعني أنا لو معجب بحضرتك و عندي نيه أتقدم رسمي ..أعمل ايه ..أصلي بصراحه متابعك من مده بس دي أول مرة أتشجع و أحاول أكلمك ..ياحلاوة ياحلاوة متابعني من زمان ...ده واقع بأه..بس برضه على مين ..لازم أثبت ..و الله لو حضرتك متابعني زي مابتقول تبقى عارف بيتي و عارف بابايا ..هو الوحيد اللي ينفع يتكلم في المواضيع دي ..لو سمحت ماتحرجنيش اكتر من كده ..جامده جامده يعني ...الحقيقة انت كده أثبتيلي اني أحسنت الإختيار....ياسلام ياسلام..الله الله ..هو ده الكلام ...لحد كده الأمور كلها صح و مية مية ..صديته آه بس كمان قلتله كلم بابا..سيبتله سكه مفتوحه يعني .


الواد بأه التباع راح شاخط فيا في اللحظه دي ..الأجرة يا أبله والا هتركبواببلاش...يابن اللذينا ..دانا عماله أترسم من ساعتها تبعتر كرامتي كده ؟...جيت أمد ايدي جوه الشنطه لقيتلكوا الأخ بأه راح بسرعه مطلع فلوس و محاسبلي ..لأ مايصحش ..لأ بأه اسمحيلي ..أنا لا يمكن أقبل واحده هاتقدملها تدفع و انا موجود ...وجون وجون وجون ..هيتقدملي خلاص أيوة كده هو انا صحيح ماعرفش هو بيشتغل ايه و الا عايش فين والا بيقلد فنانين والا ايه نظامه بس الجواب بيبان من عنوانه.


أول ما المكروباص وقف لقيته نزل معايا في نفس المحطه و بصلي و قاللي ..أنا حبيت أنقذك يعني في المكروباص ..واضح قوي انك ماعاكيش فلوس...الدم ضرب في نافوخي..وله انت هتتمنظر عليا والا ايه ؟..واضح ان شنطتك فاضية آخر الشهر بأه يالا وفرتلك أجرة المكروباص تنفعك ..بصتله بذهول كده و قلت له ..مين اللي قالك الكلام الفارغ ده ..انا عمري مامشي بشنطتي فيها أقل من 300 جنيه..قالي باستهزاء كده ..لاااااماصدقش..الدم كان خلاص قرب يطلع من نافوخي زي النافورة..رحت مطلعه كل اللي في المحفظه مورياهولي ..أهه حتى شوف 50-100-200-220
لقيته مد ايده اخد الفلوس..و بصلها كده و عدها و قاللي آه صحيح انتي معاكي فلوس أهه
و في لحظه راح مطبقهم و حاطتهم في جيبه ..و قاللي انا هاخليهم معايا بأه سوفينير لحد لما آجيلكم البيت ..ماستوعبتش و قبل ما آخد فرصة أقول كلمه واحده كان راكب ورا واحد على موتوسيكل شكله كده كان ماشي ورا المكروباص و هوا ..فص ملح و داب


أختكم بأه واقفه في وسط الشارع هابلااااااااااه ..زي اللي اتدلق عليه جردل مايه مش نضيف..مش عارفه أصوت والا أطلع أجري وراه والا ألطم على وشي ...فضلت واقفه يجي خمس دقايق في الشارع مش عارفه اروح فين والعربيات تقعد تزمرلي و لما تلاقيني مسهمة تقريبا اللي سايقين يقولوا في نفسهم دي يا اما طارشه يا اما مجنونة



يا اما م اللي بيبيعوا مناديل ...و الناس تعدي تبصلي... و العيال الصغيرة يشدوا في هدوم أهاليهم ..بابا بابا هي الست دي عامله كده ليه؟

بعد شوية كده لفيت و دخلت المستشفى اللي باشتغل فيها ..و على وشي تعبير كده زي تعبير العمده الآلي بتاع زمان ..دخلت الصيدلية..قعدت ع المكتب ..و فجأه .....انفجرت في العياط ..و العيال زمايلي اتلموا حواليا..مالك ..فيه ايه؟...حد زعلك ..حد كلمك؟
من بين العياط و الشحتفه ما اقدرتش أقولهم غير كلمه واحده
............ ......... ......... ......... ......... .


اتسرقت

مقووووووووووووول

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rotage26
مشرفه
مشرفه
avatar

انثى
عدد المواضيع : 938
العمر : 22
الموقع : اصدقاء اون لاين
العمل/الترفيه : طالبه
تاريخ التسجيل : 14/07/2009

مُساهمةموضوع: رد: مواقف2(اتسرقت)   الثلاثاء سبتمبر 22, 2009 4:38 pm

thank you [b]llolastar[/b]

_________________
Blocked heart

الشأيان بيفضل طول عمرة شأيان

ROTAGE 216 ......AND.....RA7EL

القلب لك ينادي والروح بعدك سراب كل الوجوه تغيب عادي وأنت غيابك عذاب

حب اكثر بعد فقدان ابعد

هناك اشياء خارجه عن ارادتنا
تجعلنا نفقد الكثير

gone forever('pale')pale(1)(rooo)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
yoyo
مشرفه
مشرفه
avatar

انثى
عدد المواضيع : 957
العمل/الترفيه : طالبة
تاريخ التسجيل : 02/07/2009

مُساهمةموضوع: رد: مواقف2(اتسرقت)   الثلاثاء سبتمبر 22, 2009 4:45 pm

ميرسى لولا على المواقف
تسلم ايدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
smiley** miley
مشرفه
مشرفه
avatar

انثى
عدد المواضيع : 455
العمر : 25
الموقع : الكويت
العمل/الترفيه : طالبة
تاريخ التسجيل : 14/09/2009

مُساهمةموضوع: رد: مواقف2(اتسرقت)   الجمعة سبتمبر 25, 2009 11:34 am

ميرسىىىىىىىىىىىىىىىىى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://miley5.mam9.com/forum.htm
shosho
عضو جديد
عضو جديد
avatar

انثى
عدد المواضيع : 30
العمر : 21
العمل/الترفيه : طالبه
تاريخ التسجيل : 08/08/2009

مُساهمةموضوع: رد: مواقف2(اتسرقت)   الجمعة سبتمبر 25, 2009 3:06 pm

ههههههههههههههههههههههههههههههههههه

تسلمى يا جميل


هههههههههههههههههههههههههههههههههه


يلا تعيشي وتغدى غيرها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
.. Ḿ α я
عضو مبدع
عضو مبدع
avatar

انثى
عدد المواضيع : 302
العمر : 20
العمل/الترفيه : STUDENT
تاريخ التسجيل : 29/09/2009

مُساهمةموضوع: رد: مواقف2(اتسرقت)   الإثنين أكتوبر 05, 2009 3:31 pm

ميرسييي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مواقف2(اتسرقت)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اصدقاء اون لاين :: ترفيه :: نكت وكريكاتير-
انتقل الى: