اصدقاء اون لاين
هنا صديق بانتظارك
اصدقاء اون لاين
هنا صديق بانتظارك
اصدقاء اون لاين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اصدقاء اون لاين

اصدقاء اون لاين
 
الرئيسيةالبوابةأحدث الصورالتسجيلدخول

 

 لغز الكشك المسكون

اذهب الى الأسفل 
2 مشترك
كاتب الموضوعرسالة
rotage26
مشرفه
مشرفه
rotage26


انثى
عدد المواضيع : 938
العمر : 28
الموقع : اصدقاء اون لاين
العمل/الترفيه : طالبه
تاريخ التسجيل : 14/07/2009

لغز الكشك المسكون Empty
مُساهمةموضوع: لغز الكشك المسكون   لغز الكشك المسكون Emptyالأحد سبتمبر 06, 2009 12:35 am

بسم الله الرحمن الرحيم

لغز الكشك المسكون

من سنتين المحول اللي بيتي تابعه له اتحرق وحرق الدور الارضي للبيت اللي جمبه


ايامها قعدنا حوالي يومين ونص من غير كهربا ولكم ان تتخيلوا شهر يوليو من غير تكييف ولا مروحه ولا حتي شوية مية ساقعه


طبعا علي وجه السرعه اتحركت كل الجهات المعنيه وتم السيطره علي الحريق اللي كان ممكن جدا يعمل كارثه مروعه


وتم تغيير المحول والكشك بحاله

ورجعت الكهربا الحمد لله لقواعدها سالمه

بس طبعا ماكانش فيه مانع انها تقطع ساعه ولا اتنين كل فتره طويله لما يكون فيه اصلاحات في المنطقه او تركيب اسلاك جديده عادي

من شهرونص وبالظبط يوم الجمعه 26 يونيو الساعه 4.5 العصر كشك الكهربا فرقع والمحول اللي جواه اتحرق

وانقطعت الكهرباء 36 ساعه متواصله لحد الساعه 2 من فجر الاحد


تخيلوا اليومين دول عشناهم ازاي في عز الحر الرهيب ده


و بقي حالنا يصعب علي الكافررجعنا تاني للعصور الوسطي اللي منور شمعه واللي شايل لمبة جاز


قمة الاستهتار واللامبالاه من الجميع

وبقي عادي عندهم يسيبونا بالساعات من غير كهربا ومش مهم الحاجات اللي في التلاجات تبوظ

ولا الناس تموت من الحر يعني هما كانوا من بقيت اهالينا

ولا الطلبه يسقطوا واحنا مالنا حد قالهم يتعلموا من اصله

والناس من الحر هجت في الشوارع لحد الفجر

البيت اللي قصادنا كان فيه عريس جديد قضي ليلة العمر علي ضوء الشموع اهي رومانسيه برضو هههههه


حد هايقولي عادي ان المحول يتحرق بسبب الاحمال الزياده في الصيف خصوصا ان المنطقه عندنا اتغيرت جدا عن الاول البيوت زاد عددها وزاد ت ارتفاعاتها ، و المكيفات بقت شئ عادي جدا في البيوت بعد ما كانت من النادر وبالتالي ده كله سبب احمال زياده

اللي مش عادي بقي هو اللي حصل بعد كده

اول لما الكشك اتحرق حاولوا انهم يصلحوه وخلاص من غير ما يغيروا حاجه وبعد حوالي 3 ساعات نجحت محاولاتهم

بس مافيش ربع ساعه وفرقع تاني
فضلوا بقيت اليوم يحاولوا بس من غير امل
وقرروا انهم يستنوا لتاني يوم ويستعينوا بخبرا اجانب ههههه
اقصد خبراء من شبكة الكهربا الرئيسيه

وفعلا جه الفريق الاجنبي وقرر انه لازم المحول يتغير
وتم الاتصال بالجهات المسئوله واستيراد محول جديد من الشبكة الرئيسيه مع فريق العمل الخاص بيه

والمحول في الطريق انفجرت عجلة العربية النقل اللي شايلاه وتعطلت علي الطريق اكتر من 3 ساعات

ولما
وصل المحول لارض المعركه اقصد مكان الكشك قعدوا يركبوا فيه اكتر من 5
ساعات واول ما بدأوا يشغلوه عمل قفله ويقال ان اجزاء منه اتحرقت وماعدتش
تنفع خالص


وتم تغيير المحول لتاني مره في اقل من 24 ساعه واول ما بدأ يشتغل حصلت قفله تانيه وعطل المحول الجديد
وفضل العمال يحاولوا انقاذ ما يمكن انقاذه بس من غير فايده


ولولا ان الناس كانت محوطاهم من كل ناحيه كانوا مشيوا وسابونا نبات يوم كمان من غير كهربا

وفضلت المحاولات لحد ما جه الفرج الساعه 2 فجرا ورجعت الكهربا

وحمدنا ربنا علي نعمته وفضله اللي دايما مش بنقدرها الا لما تروح مننا

وقلنا خلاص محول جديد بقي مين ادنا وخلاص وداعا لانقطاع الكهربا ولكن عشم ابليس في الجنه

مافيش اسبوع الا وبتدأت الكهربا تقطع بشكل يثير الاعصاب

بالساعتين والتلاته وشويه شويه بقوا خمسه او ست ساعات

واخيرا من يومين كانوا 12 ساعه



المهم ان كل اللي يجي يصلحه يحتار مش عارف يلاقي العيب فين ودايما بيصلبه ويمشي
ولولا ان الناس بتحاصر الفني لحد ما يخلص كان قفل الكشك ومشي وسابنا من غير كهربا

الفني قبل الاخير فكرنا باسماعيل ياسين لما كان بيصلح الطياره وكل اللي يقابله يرميه لحد ما بقي هيكل من غير موتور

اهو الفني ده قالولي انه كان بيعمل كده اي حاجه في سكته مش عجباه يرميها

ولحد حالا ماحدش عارف السبب في الاعطال المستمره دي

هل يا تري الكشك ده مسكون وفيه عفاريت هي اللي بتعمل كده

ولا الفني مش بيفهم حاجه اصلا

ولا الاجهزه اللي بيجيبوها غير مطابقه للمواصفات وبتتورد بمناقصات مشكوك فيها

ولا احنا اللي نيتنا مش صافيه عشان كده بيحصلنا كل ده


الرجوع الى أعلى الصفحة اذهب الى الأسفل
yoyo
مشرفه
مشرفه
yoyo


انثى
عدد المواضيع : 957
العمل/الترفيه : طالبة
تاريخ التسجيل : 02/07/2009

لغز الكشك المسكون Empty
مُساهمةموضوع: رد: لغز الكشك المسكون   لغز الكشك المسكون Emptyالأحد سبتمبر 06, 2009 12:48 am

ههههههههه ايه المحول بتاع الكهرباء ده
اكيد مسكون ايه ده يابنتى ده لو بيحصل عندنا كده كنت انتحرت احنا هنرجع تانى لعصر الشموع ولمبات الجاز ولا ايه
بس الله اعلم احتمال تكون من الاجهزة نفسها ممكن تكون مش كويسة
او الفنيين بس اعتقد ان الفنيين مدربين على حاجات من دى ومتعلمين يعنى
مسكون دى بقى الله اعلم
والله انا مقدرس اقول حاجة حسب النية دى لان دى حاجة خاصة بكل انسان محدش يقدر يعرف نية التانى غير ربنا سبحانه وتعالى
وشكرا على الموضوع اللى جننى ده
الرجوع الى أعلى الصفحة اذهب الى الأسفل
rotage26
مشرفه
مشرفه
rotage26


انثى
عدد المواضيع : 938
العمر : 28
الموقع : اصدقاء اون لاين
العمل/الترفيه : طالبه
تاريخ التسجيل : 14/07/2009

لغز الكشك المسكون Empty
مُساهمةموضوع: رد: لغز الكشك المسكون   لغز الكشك المسكون Emptyالأحد سبتمبر 06, 2009 3:29 am

ههههههههههههههههههه يا مجنونه مرسى لمرورك بهزر انت مش مجنونه بس كريزى

red heart
الرجوع الى أعلى الصفحة اذهب الى الأسفل
 
لغز الكشك المسكون
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اصدقاء اون لاين :: ترفيه :: نكت وكريكاتير-
انتقل الى: