كتير بيحصل

كتير بيحصل اننا نلاقي الشخص اللي مرتبط بيه سواء خطيبك او خطيبتك ان في كل صغير وكبيرة وفي كل مشكلة وفي كل كلامكم ما بينكم وبين بعض تروح او يروح يحكي للوالده او الوالده او الاسرة كلها ومهما حاولت انك تصلح فيه او فيها مفيش فايده هل شخص بالشكل ده ينفع انك تعيش معاها او تعيشي معاه بعد كده بعد الزواج مع العلم انك بتحبيه او بتحبها كتير جدا انما هل العيب ده ممكن انك تتجاهله ولا ايه تصرفك ارجو الاجابة بواقعية وليس بمثالية لاني حسيت ان بعض اصدقاء المنتدى هنا مثاليين زيادة شوية
إسلام صقر

انا من وجهه نظرى ان الارتباط ده مينفعش لان شخص بالشكل ده انا بعتبره شخصيه ضعيفه
وزى مابيحكى كل حاجه لاهله اكيد بيسمع كلامهم بردو فى كل حاجه وبعد الجواز اكيد
حتلاقى تدخل من اهله او اهلها لانه بيحكلهم كل حاجه فا حيبقى بالشكل ده جواز فاشل

طبعاً أنا متفق جدا مع رأي بوسي كات ورأي نور بس احب اضيف أن الارتباط ده عبارة عن شركة بين اتنين لابد ان يكون له اسرار ولو الاسرار من اولها ما اتحفظتش يبقى الشركة هتقفل ابوابها بدري جدا وخصوصا لو الراجل مثلا حصل له ظروف مادية ما معرض ليها بعد الجواز يفوجأ بأن الخبر ده انتشر في العيله كلها فمشكلة البنت دائمة الشكوى والعكس صحيح انما ده موجود اكتر في نسبة كبيرة من البنات مع احترامي الشديد ليهم جميعا عشان ما اضربش هنا ولا حاجه وعشان ما حدش يزعل وخصوصا ان الموضوع ده حصل معايا في فترة خطوبتي ببنت كنت بحبها جدا وبتحبني جدا جدا اكتر مما احبها كمان ومع ذلك تركتها وانهيت كل حاجه بسبب ان فيها العادة دي لدرجة انها سببت مشاكل جامده جدا وطبعا ده حصل بعد تحذيرات وتهديدات بالانفصال كتير جداااااااااااا بعد ما كانت كل حاجه في حياتي

قصتك مؤثره اوي
بس اكيد هنتعلم منها حاجات كتير

اكيد ده سلوك مش كويس ان الرجل او البنت يحكي كل
التفاصيل للاهل لان ده بيعمل مشاكل